Oct 24, 2007

Para sa mga hindi makatulog

Hindi normal sa akin ang matulog ng maaga dahil nga may sleeping disorder ako na kung tawagin ay Delayed Sleep Phase Syndrome. Ibig sabihin hindi normal ang sleep-wake cycle ko. Madalas kahit gustong gusto ko nang matulog patuloy akong ginugulo ng mga kung anu anong ideya na hindi ko naman ikayayaman. Binubuksan ko na lang ang tv o computer at naghihintay na kusang dalawin ng antok. Madami na akong nasubukang remedyo para makatulog sa tamang oras, pero ika nga ng nanay ko "wa epek". Hindi man sila umepekto sakin, malay mo sayo magwork.

Nakakatulong daw ang paginom ng isang baso ng gatas before bedtime. Mas ok daw kung may kasamang honey, yung galing sa pulot-pukyutan ha, baka ibang honey naman ang iniisip mo, mas lalo kang hindi makakatulog agad nyan. Hindi 'to pwede sa akin kasi Lactose Intolerant ako. Ang saklap nga kasi di pwede sakin ang masyadong maraming ice cream saka creamer sa kape. Kaya kung may naalala kang pagkakataon na nagtagal ako sa C.R. pagkatapos natin magkape, alam mo na ngayon ang nangyari.

Pwede ka ring magbilang ng kung ano ano. Sigurado ako narinig mo na ang pagbilang ng tupa ng tumatalon sa bakod.Hindi ko alam kung sinong walang magawa ang may pakana ng pagbibilang ng tupa pero wa epek din yun sakin. Sa opinyon ko mas effective ang pagbibilang ng pabaligtad mula 100. Sinubukan ko 'to dati at medyo inantok nga ako. Huwag na huwag bibilangin ang utang mo dahil pupusta akong hindi ka lalo aantukin nyan.

Melatonin ang tawag sa food supplement na iniinom ko. Ang alam ko, over the counter drug yun kaya kung hindi ka na talaga makatulog subukan mong uminom thirty minutes before bedtime. Ingat lang sa oras ng paginom dahil pwedeng lumala ang problema mo sa pagtulog kung mali sa oras. Hindi ito sleeping pill kaya kung may balak kang tumira ng marami, 'wag pare, para kang suminghot ng Elmer's glue nyan imbes na rugby. Mas ok kung humingi ka na lang ng prescription sa doktor. Effective sana ito sa akin kaya lang madalang kung inumin. Nakakaantok kasi.

Ang huli at pinaka epektibo sa lahat ay ang, (drumroll) pagrereview. Tama! Inaantok ako agad pag nagbabasa ng notes o kaya naghahanda para sa exam. Parang pinaghalu-halong epekto ng Melatonin, gatas, honey at pagbibilang ng 100 pabaligtad. Sayang nga lang at madalang ko lang gamitin ang teknik na ito. Pag wala pa ring umepekto sa lahat ng ito matapos mong subukan, isa na lang ang natitira mong option. Alak, maraming maraming alak.

-edit-

Hindi daw disorder ang DSPS sabi ng doktor ko dahil syndrome nga lang daw ito. Mas maganda kasing excuse pag sinabing disorder kaya disorder ang ginamit ko.

7 comments:

archille said...

wow..you're good..as always. ;p

Abad said...

salamat chil!

Anonymous said...

wow... wat can i say, e da best ka nman tlaga... hmmmp. labyah...

chito said...

ang pagrereview ang 'sleeping pills' ng buhay ko.HEHE.

galing mong mag-prescribe,doc. =D

Abad said...

Kunwari ka pa tsini, lasengga ka dyan eh.

chito said...

sinabi ko bang review lang?
HAHAHA.

lam mo namang ang alak eh isa sa mga essential food groups ko sa buhay. =D

tin a(from friendster) said...

buti ka pa may naprescribe ka sa kanila..i like your posts...nice!